كلمات ترنيمة اتصرف انت
تنده علىَّ وأسكَّتك من كُتر شرَّى سِكِّتك
عن عينى مخفيَّه قرَّبت لِىَّ وبا ابعِدَك
يا إلهى نار محبتك جوايا مطفيَّة
إتصَّرف إنت ياربى فىَّ
شيل الغشاوه من عينىَّ .. رجَّعنى ليك
من يوم ماسيبتك فرحى سابنى
والهم عذبنى وتعبنى .. والراحة فيك
كِترت عاداتى وشهواتى .. وخطايايا
قلت قوى وقفة صلاتى .. وأقول كفاية
أرجع وأتوب ألقى الذنوب تجرى ورايا
ياربى صلح لى العيوب خليك معايا
هات إيديك وإمسك إيديَّا
عارف حياتى مِ البداية .. للنهاية
دارى بتعَب قلبى وشقايا .. والخبايا
مكشوفه قدامك داويا إنت وشفايا
معاك فى وقت الخوف حِماية وبيك عزايا
ولاحد غيرك دارى بِىَّ
تعليقات
إرسال تعليق
برجاء المشاركه والرد لتبادل الافكار والتشجيع